2017ஆம் ஆண்டின் சிறந்த ஐந்து கண்டுபிடிப்புகள்

அல்ட்ரா லாக் ஸ்மார்ட் லாக்

வீடு, அலுவலக கதவுகள் பூட்டு போட்டு பூட்டிய பின் சாவியை எங்காவது மறந்து வைத்து விட்டால் பிறகு எங்கு வைத்தோம் என்று தேடுவதிலேயே நேரம் வீணாகும், வைத்த இடம் நினைவுக்கு வராமல், மாற்று சாவியும் பூட்டிய வீட்டுக்குள்  வைத்திருந்தால் அவ்வளவுதான் அன்றோடு அந்த பூட்டின் ஆயுள் முடிந்து விடும்,  இந்த பூட்டு சாவி பிரச்சினைக்கு முடிவு கட்டும் கண்டுபிடிப்பு தான் அல்ட்ரா லாக் ஸ்மார்ட் லாக், ப்ளுடூத் வசதியுடன் கூடிய கைரேகை ஸ்கேனர், டச் ஸ்க்ரீன் ஸ்மார்ட் லீவர் வசதிகளுடன் வெளிவந்துள்ளது. கதவில் பூட்டுக்கு பதில் இந்த  இந்த ஸ்மார்ட் லாக்கை பொருத்தி விடலாம். ஸ்மார்ட்லாக்கை திறக்க உங்கள் கை ரேகை பயன்படுத்தலாம், சாவியும் பயன்படுத்தலாம், ஸ்மார்ட்போனில் டாப் செய்வதன் மூலமும் திறக்கலாம், ஸ்மார்ட்போன் திரையை திறக்க பயன்படும் நம்பர் லாக் வசதியையும் பயன்படுத்தலாம். பேட்டரி மூலம் இயங்கும் இந்த ஸ்மார்ட் லாக்கை ஒரு முறை சார்ஜ் செய்தால் பல மாதங்கள் வரை பயன்படுத்தலாம். 

சார்ஜ்-எஸ்டி

பல நாடுகளுக்கு பயணம் செய்பவர்கள் சந்திக்கும் மிக பெரிய சிக்கல் ஒவ்வொரு நாட்டிலும் பயன்பாட்டில் இருக்கும் விதவிதமான எலெக்ட்ரிக் பிளக்குகள், இந்த பிளக்குகளில் நம் நாட்டு சார்ஜர் பின் பொருந்தாது, இந்த சிக்கலை தீர்க்க வந்துள்ள கருவி தான் சார்ஜ்-எஸ்டி பலவிதமான பிளக் பின்களை கொண்டுள்ள இந்த சார்ஜ்-எஸ்டி, அதோடு கூட பலவிதமான மின்னணு சாதனங்களுக்கேற்ற சார்ஜர் பின்களையும் கொண்டுள்ளது. 

போன் டிரோன் - இதோஸ்

உயரமான கட்டிடங்கள், மலைபிரதேசங்களை ஏரியல் வியூவில் பறந்து கொண்டே படம் பிடிக்க உதவும் டிரோன், உங்கள் ஸ்மார்ட்போனை இந்த டிரோனில் பொருத்திவிட்டு பறக்க விட்டால்  அழகான இயற்கை காட்சிகளை படமாக்கி நம் கண்களுக்கு விருந்தளிக்கிறது போன் டிரோன் - இதோஸ்.  

மூசோ (ஒலி கட்டுபாட்டு கருவி)

அமைதியாக வேலை பார்க்க விடாமல் உங்களை உங்கள் சுற்றுபுறத்தில் இருந்து வரும் சத்தங்கள் தொந்தரவு செய்கிறதா? உங்கள் பிரச்சினையை தீர்க்கும் கண்டுபிடிப்பு தான் மூசோ, நீங்கள் அதிக சப்தம் வரும் இடங்களில் (வீடோ, அலுவலகமோ, வெளியிடங்களோ) இந்த கருவியை பொருத்திவிட்ட்டு சுவிட்சை அழுத்திவிட்டால் போதும், உங்கள் சுற்றியுள்ள ஒலி மற்றும் அதிர்வுகளை இந்த கருவி கவர்ந்து கொள்வதால் உங்களை சுற்றி அமைதி தவழும்.  அமைதியாக இருக்க விரும்புபவர்களுக்கு இந்த கருவி ஒரு வரப்பிரசாதம்.     

இயான் ஸ்கூட்டர்:

இந்த ஸ்கூட்டரை நிறுத்தி வைக்க இடம் தேவையில்லை கைக்கு அடக்கமாக சூட்கேஸ் போல் இந்த ஸ்கூட்டரை மடித்து வைத்து கொள்ளலாம், தேவைபடும்போது ஸ்கூட்டரை பயணத்திற்கு பயன்படுத்தி கொள்ளலாம். நம் வசதிக்கேற்ப நின்று கொண்டோ அல்லது அமர்ந்து கொண்டோ இந்த ஸ்கூட்டரில் பயணிக்கலாம். 

----------------------------------------------------------- தமிழர் டைம்ஸ் இதழ்கள்

• தமிழர் டைம்ஸ்
• மாணவர் டைம்ஸ்
• மகளிர் டைம்ஸ்
• இளைஞர் டைம்ஸ்
• டைம்ஸ் உலகம்
• ஹெல்த் டைம்ஸ்
• டெக் டைம்ஸ்
• சினிமா டைம்ஸ்
• வணிகர் டைம்ஸ்
• சுற்றுலா டைம்ஸ்
• நகைச்சுவை டைம்ஸ்
• டிரெண்ட்ஸ் டைம்ஸ்
• கோல்டன் டைம்ஸ்
• கிரைம் டைம்ஸ்
• உங்கள் டைம்ஸ்
• லோக்கல் டைம்ஸ்
• தொடர்புக்கு

இந்த மாதத்தின் டாப் 10 ஆன்ட்ராய்ட் (இலவச) ஆப்ஸ்

ஒவ்வொரு நாளும் புதிது புதிதாக ஆன்ட்ராய்ட் ஆப்ஸ்கள் வெளிவந்த வண்ணம் உள்ளன, இதுவரை 2.8 மில்லியன் ஆன்ட்ராய்ட் ஆப்கள் வெளிவந்துள்ளன, அவற்றில் இந்த மாதத்தில் மிகவும் பயனுள்ள ஆப்களை அதன் சிறப்பம்சங்கள், பயன்பாடு மற்றும் வெளியிட்ட நாள் போன்றவற்றை கருத்தில் கொண்டு  தொகுக்கபட்டுள்ளது.

1 பேட்டரி மீட்டர் ஓவர்லே - Battery Meter Overlay 

ஸ்மார்ட் போன் பேட்டரி சார்ஜ் இருப்பு சதவிகிதத்தை ஸ்க்ரீனின் மேல் பகுதியில் காண்பிக்கும் இந்த ஆப் சார்ஜ் அளவை வைத்து நாம் எந்தெந்த ஆப்களை (கேம்ஸ் விளையாடுவது, காணொளி பார்ப்பது, இணைய உலவி பார்ப்பது) எப்போது பயன்படுத்தலாம் என்று காண்பிக்கிறது. சார்ஜ் அளவை பொறுத்து நாம் ஸ்க்ரீன் பின்னணியை மாற்றி வைத்து கொள்ளும் வசதியையும் இந்த பேட்டரி மீட்டர் ஓவர்லே ஆப் வழங்குகிறது.  

2  ஃபேன்டம் - Fandom 

இந்த ஆப்பில் உங்களுக்கு பிடித்தமான பொழுதுபோக்கு (பிடித்த சினிமா, தொலைக்காட்சி தொடர், நடிகர்கள்...) விஷயங்களின் தலைப்புகளை தேர்ந்தெடுத்து கொள்ளலாம், நீங்கள் தேர்ந்தெடுத்த தலைப்புகளில் எந்த புதிய செய்தி வந்தாலும் உடனுக்குடன் இந்த ஃபேன்டம் ஆப் மூலம் தெரிந்து கொள்ளலாம்.

3  ஃபைல்ஸ் கோ (கூகுள் தயாரிப்பு) - Files Go By Google 

கூகுள் நிறுவன தயாரிப்பான ஃபைல்ஸ் கோ நீங்கள் ஸ்மார்ட் போனில் சேமித்து வைத்திருக்கும் அணைத்து கோப்புகளையும் (புகைப்படங்கள், காணொளி காட்சிகள், ஆப்கள்...) ஒரே இடத்தில காணவும் தேவையற்ற கோப்புகளை அழித்து விடவும், நினைவக சேமிப்பை அதிகப்படுத்தவும் உதவுகிறது. இணைய தொடர்பு இல்லாமல் கோப்புகளை நண்பர்களுடன் பகிரவும் ஃபைல்ஸ் கோ ஆப் பயன்படுகிறது. 

4  எக்ஸ் ஹோம் பார் - X Home Bar 

ஸ்மார்ட் போனில் உள்ள ஹோம் பட்டன் சரியாக வேலை பார்க்கவில்லையா? எக்ஸ் ஹோம் பார் ஆப் நிறுவினால் அது ஐ போன் 10ல் உள்ள ஹோம் ஸ்க்ரீன் போன்ற வசதியை அளிக்கிறது,  இடப்புறம் ஸ்வைப் செய்தால் மல்டிடாஸ்கிங் வசதியையும், வலப்புறம் ஸ்வைப் செய்தால் நோட்டிஃபிக்கேஷன் பேனலையும், மேல்நோக்கி ஸ்வைப் செய்தால் ஹோம் ஸ்க்ரீனையும் காணலாம். இந்த ஆப்பை உங்கள் தேவைக்கேற்ப செட்டிங்க்ஸ் பகுதியில் ஸ்வைப்  ஆக்-ஷன்களை மாற்றி கொள்ளலாம்.

-

5  டேட்டாலி (கூகுள் தயாரிப்பு) - Datally By Google 

கூகுள் நிறுவன தயாரிப்பான டேடால்லி, ஒவ்வொரு ஆப்பையும் எவ்வளவு நேரம் பயன்படுத்துகிறீர்கள், எவ்வளவு மொபைல் டேட்டா பயன்டுத்தி இருக்கிறீர்கள் என்று தகவல்களை அளிக்கிறது,  அதோடு கூட வை பை இணைப்பின் போது மட்டும் சில ஆப்களை பயன்படுத்த அனுமதிக்கும் வசதியையும் அளிக்கிறது,  மொபைல் டேட்டா சேமிக்க விரும்புபவர்களுக்கு  டேட்டாலி ஆப் நிச்சயமாக  பயன்படும்.

6  ஸ்மார்ட் வால்பேப்பர் - Smart Wallpaper 

ஸ்மார்ட் போனில் ஒரே வால்பேப்பர் பார்த்து பார்த்து போரடிக்கிறதா ஸ்மார்ட் வால்பேப்பர்  ஆப் நேரத்துக்கு, வாரத்துக்கு, மாதத்துக்கு, மாறும் வானிலைக்கு தகுந்தாற் போல் வால்பேப்பரை மாற்றி கொண்டே இருக்கும், உங்களுக்கு பிடித்தமான வால்பேப்பரை நீங்கள் தரவிறக்கி வைத்து கொண்டால் போதும், இந்த ஆப் உங்களுக்கு விருப்பமான சேமிக்கப்பட்ட வால்பேப்பர்களை நேரத்திற்கு தகுந்தது போல் மாற்றி விடும்.  

7  ஸ்மார்ட் லென்ஸ் - Smart Lens 

ஸ்மார்ட் லென்ஸ் ஆப் கொண்டு பேப்பரில் உள்ள எழுத்துக்களை புகைப்படம் எடுத்து கொள்ளவும், பின் இந்த ஆப் அந்த புகைப்படத்தில் உள்ள எழுத்துக்களை பிடிஎப் கோப்பாக சேமித்து வைத்து கொள்ளலாம், பல மொழிகளில் உள்ள எழுத்துக்களை உங்கள் ஸ்மார்ட்போனில் கோப்புகளாக சேமித்து வைத்துகொள்ள இந்த ஸ்மார்ட் லென்ஸ் ஆப் பயன்படுகிறது. 

8  டிராயர்ஸ் - Drawers 

உங்களுக்கு விருப்பமான ஆப்களை அதன் பயன்பாட்டுக்கு (மெயில்கள் படிக்க, செய்தி வாசிக்க, காணொளி பார்க்க...) ஏற்றவாறு ஒவ்வொரு வகையிலும் ஐந்து ஆப்களை சேமித்து வைத்து கொண்டு அதை எளிதில் ஸ்மார்ட் போனின் வலப்புபுறத்திலிருந்து ஸ்வைப் செய்து  எடுத்து கொள்ளும் வசதியை அளிக்கிறது டிராயர்ஸ் ஆப்.   

9  ரெட்ரோ இணைய உலவி - RetroBrowser 

இந்த ரெட்ரோ இணைய உலவியை கால எந்திரம் என்று கூட சொல்லலாம், ஒரு இணையதளம் கடந்த வருடத்தில் அல்லது கடந்த மாதத்தில் எப்படி காட்சியளித்ததோ அதே போல் காட்டக்கூடிய வசதியை இந்த ரெட்ரோ இணைய உலவி நமக்கு வழங்குகிறது. மற்றபடி எல்லா இணைய உலவிகளிலும் உள்ள வசதிகளும் இந்த ரெட்ரோ இணைய உலவியிலும் கிடைக்கிறது. 

10  ஸ்க்ரிட்டர்  -  Scrittor 

ஸ்க்ரிட்டர், நோட்ஸ்களை வகைபடுத்தி பிரித்து வைத்து தேவைப்படும்போது எளிதாக எடுத்து படிக்க உதவும் ஆப் இது. 

----------------------------------------------------------- தமிழர் டைம்ஸ் இதழ்கள்

• தமிழர் டைம்ஸ்
• மாணவர் டைம்ஸ்
• மகளிர் டைம்ஸ்
• இளைஞர் டைம்ஸ்
• டைம்ஸ் உலகம்
• ஹெல்த் டைம்ஸ்
• டெக் டைம்ஸ்
• சினிமா டைம்ஸ்
• வணிகர் டைம்ஸ்
• சுற்றுலா டைம்ஸ்
• நகைச்சுவை டைம்ஸ்
• டிரெண்ட்ஸ் டைம்ஸ்
• கோல்டன் டைம்ஸ்
• கிரைம் டைம்ஸ்
• உங்கள் டைம்ஸ்
• லோக்கல் டைம்ஸ்
• தொடர்புக்கு

எல்ஜி வி 30 ப்ளஸ் ஸ்மார்ட்போன் அறிமுகம்

விலையுயர்ந்த ஸ்மார்ட்போன்கள் தயாரிப்பு நிறுவனமான தென் கொரியாவை சேர்ந்த எல்ஜி நிறுவனத்தின் புதிய வகை  எல்ஜி வி 30 ப்ளஸ் ஸ்மார்ட்போன் நேற்று இந்தியாவில் வெளியிடப்பட்டு விற்பனைக்கு வந்துள்ளது. இதற்கு முன்பு வெளிவந்த எல்ஜி வி 30 (64 ஜிபி) மாடலுக்கும் இப்போது  வெளிவந்துள்ள எல்ஜி வி 30 ப்ளஸ் (128 ஜிபி) மாடலுக்கும் நினைவக அளவு வேறுபாட்டை தவிர வேறு எந்த வித்தியாசமும் இல்லை.  

6 அங்குல (15.24 செமீ) குவாட் ஹச்.டி+ பி-ஒஎல்இடி தொடுதிரையுடன் (18:9 ஃபுல் விஷன் டிஸ்ப்ளே), 2880*1440 பிக்ஸல்கள் திரை தீர்மானத்துடன்,  அண்ட்ராய்டு v7.1.2 நவ்காட் இயங்குதளத்தில் இயங்கும் எல்ஜி வி 30 பிளஸ், 4 ஜிபி ரேம் உடன் 2.45 ஜிகாஹெர்ட்ஸ் ஆக்டா-கோர் குவால்காம் ஸ்நாப்டிராகன்  835 எஸ்ஒசி  வகை சக்திவாய்ந்த பிராசெசரை கொண்டுள்ளது. இந்த ஸ்மார்ட்போனின் பின்புறத்தில் இரட்டை கேமரா கொண்டுள்ளது. ஒரு 16 மெகாபிக்சல் கேமராவும், மற்றொரு 13 மெகாபிக்சல் கேமரா 71 டிகிரி அகலக் கோணம் கொண்ட லென்சும் கொண்டுள்ளது. சிறந்த புகைப்படங்கள் எடுக்க மட்டுமல்ல இந்த கேமெராக்கள் (HDR10 வசதி) கொண்டு 4K தரத்தில் வீடியோக்கள் எடுக்கலாம்.  முன்புறத்தில் செல்பி புகைப்படங்கள் எடுக்க வசதியாக 5 மெகாபிக்சல் (90 டிகிரி கோணம் கொண்ட லென்ஸ்) கேமராவை கொண்டுள்ளது. 

மேலும் கை ரேகை சென்சார், லைட் சென்சார், ப்ராக்ஸிமிட்டி சென்சார், அக்ஸிலெரோமீட்டர், பாரோமீட்டர், காம்பஸ், க்யுரோஸ்கோப் ஆகிய வசதிகளையும் கொண்டுள்ளது. 3300 எம்ஏஹச் பேட்டரி கொண்டு எரியுட்டபடும் எல்ஜி வி 30 பிளஸ் ஸ்மார்ட்போன் அதிவேக மற்றும் வயர்லெஸ் சார்ஜிங் வசதிகளும் கொண்டுள்ளது. 7.3 மிமீ மெல்லிய அளவை கொண்டுள்ள எல்ஜி வி 30 பிளஸ் ஸ்மார்ட்போன் 158 கிராம் எடையைக் கொண்டுள்ளது.

ஆன்லைனில் விற்பனைக்கு வந்துள்ள எல்ஜி வி 30 ப்ளஸ் ஸ்மார்ட்போன் ரூபாய் 44990 -க்கு  அமேசான் வலைதளத்தில் கிடைக்கிறது.   

உலகின் மிக சிறந்த ஏழு உல்லாச பயண வாகனங்கள்

# 1 மெர்சிஸ்-மேபேக் S600 புல்மேன்:

மெர்சிடிஸ்-மேபேக், கண்ணாடி தடுப்புக்கு பின்னால் ஒருவரை ஒருவர் பார்த்து கொள்ளும் வகையில் அமைக்கப்பட்ட இருக்கை வசதி கொண்டுள்ளது, இதே வசதி ஆர்டரின் பேரில் ஒரு மெர்சிடிஸ்-மேபேக் எஸ் 600 புல்மேன் கார்டிலும் உள்ளது. மெர்சிடிஸ்-மேபேக் எஸ் 600 புல்மேன் கார்ட்  VR9 அதிகபட்ச பாதுகாப்பு வசதிகளுடன் பயணிகளுக்கு முழு பாதுகாப்பு அளிக்கிறது மற்றும் டைரக்டரி ERV 2010க்கு இணங்க குண்டுவெடிப்புகளால் சேதமடையாத வாகனமாகவும் சான்றளிக்கபட்டுள்ளது. .

# 2 ரோல்ஸ்-ராய்ஸ் ஃபாண்டம் செரினிட்டி லிமோசின்:

2015 ஆம் ஆண்டில் ரோல்ஸ்-ராய்ஸ் மோட்டார் கார்கள் தயாரிப்பாளர்களால் ஜெனீவா மோட்டார் ஷோவில் ரோல்ஸ்-ராய்ஸ் ஃபாண்டம் செரினிட்டி லிமோசின் அறிமுகப்படுத்தப்பட்டுள்ளன. ஃபோட்டோம் செரிட்டிட்டியின் உட்புறங்கள் ஜப்பானிய வடிவமைப்பால் ஈர்க்கப்பட்டு கையால் நெய்த பட்டு துணியால் அலங்கரிக்கப்பட்டது போல் இருக்கிறது. வெளிப்புறம்  முத்துக்கள் பளிச்சிடுவது போல் பளிரென்று தெரிய மூன்று கட்டமாக முத்து வண்ணபூச்சுகளால் பெயிண்ட் செய்யப்பட்டுள்ளது. ஃபாண்டம் வரிசை II வகையை சேர்ந்த  ஃபாண்டம் செரினிட்டி நேரடியாக எரிபொருள் பெறும் V12 என்ஜின் மற்றும் 8 அதிவேக தானியங்கி கியர்பாக்ஸ் பொருத்தப்பப்பட்டுள்ளது. ஃபாண்டம் செரினிட்டி 1 மில்லியன் பவுண்டுகள் விலையில் கிடைக்கும்.

# 3 பென்ட்லி முல்சானே கிராண்ட் லிமோசின்:

முல்லினர் நிறுவனத்தால் ஒரு தனிப்பட்ட வாடிக்கையாளருக்காக வடிவமைக்கப்பட்ட முல்சானே கிராண்ட் லிமோசின்  நவீன கோச் வகை கார்களுக்கு ஒரு அரிதான உதாரணம். மிக சிறந்த பயண அனுபவத்தை கொடுக்கும் வகையில் அசல் முல்சானே காரின் சக்கர அடித்தளத்துக்கும் மற்றும் உடல்பகுதிக்கும் இடையே 1,000 மில்லிமீட்டர் விரிவுபடுத்தியதுடன், பின்புறத்தில் 79 மி.மீ. விரிவாக்ககூடிய வகையிலும் உருவாக்கப்பட்டுள்ளது.

# 4 மினி கூப்பர் லிமோசின்:

இயந்திரவியல் உலகின் மிக நீண்ட மினி கூப்பர் வாகனத்தை உருவாக்கியுள்ளது - இது கிட்டத்தட்ட ஒரு இரட்டை அடுக்கு பேருந்தின் நீளத்துக்கு  வரை உள்ளது. 27 அடி நீள ஆறு சக்கர பிரிட்டிஷ் கிளாசிக் வாகனம் ஆரம்பத்தில் ஒரு குறைந்தபட்ச மினி கூப்பர் எஸ் ஆகத்தான் உருவாக்கப்பட்டது.  லாஸ் வேகாஸுக்கு ஏற்ற வகையில் 65,000 பவுண்டுகள் செலவில் மாற்றியமைக்கபட்டு முன்பதிவு செய்யப்பட்டது. இப்போது விற்பனையில் உள்ள லிமோசின்களில் மினி கூப்பர் அதிகமாக விற்பனையாகி வருகிறது.  

# 5 போர்ஷ் பனமேரா லிமோசின்:

இந்த போர்ஸ் பனமேரா லிமோசின் செல்லுமிடமெல்லாம் மக்கள் திரும்பி பார்க்கும் வகையில் உருவாக்கப்பட்டுள்ள V.I.P. லிமோசின் ஆகும். நவீன தொழில்நுட்பத்தின் உச்சமான சக்திவாய்ந்த பார்ஸ்ச் மோட்டார் கொண்டுள்ளது, இதன் அற்புதமான வடிவமைப்பும், பறவை சிறகு விரிப்பது போல் மேலே திறக்க கூடிய அழகிய கதவுகள் மற்றும் நேர்த்தியான நன்கு வடிவமைக்கப்பட்ட உட்புற அலங்கரிப்பும் இந்த பனமேரா லிமோசின் அழகை பலமடங்கு உயர்த்தி உள்ளது. 

# 6 ஹம்மர் H2 லிமோசின்:

ஹம்மர் H2 லிமோ விசேஷமான விழாகாலங்களில் எல்லோரையும் ஈர்க்கக்கூடிய வடிவமைப்பும், வசதிகளும் கொண்டுள்ளது. ஹம்மர் H2 லிமோசின் 16 பயணிகளை அழைத்து செல்லும் வசதி கொண்டுள்ளது, பெரிய விழாக்களுக்கு அது சரியான தேர்வாகும். ஹம்மர் H2 உல்லாச ஊர்தி பிரம்மாண்டமான ஆடம்பரத்தை வெளிப்படுத்துகிறது, ஹம்மர் எச் 2 லிமோசின் ஒரு பெரிய திருமண குழு , கட்சி குழு, விளம்பர நிறுவனங்கள்,  விளையாட்டு வெற்றி நிகழ்வுகள் அல்லது இரவில் குழுவாக வெளியே செல்வதற்கு சிறந்த தேர்வாகும்.

# 7 லம்போர்கினி அவென்டெடார் லிமோசின்:

நட்சத்திரங்களுக்கான கார்களின் பெருமையான வெளியிடு  அவென்டெடார் லிமோசின்.  அவென்டெடார் லிமோசினின் மெல்லிய மற்றும் புகழ்பெற்ற அழகிய வடிவமைப்பும் இணைத்து, நட்சத்திரங்களுக்கான கார்களின் மற்றொரு பரிமாணத்தை வெளிபடுத்துகிறது. புதிய நீட்டிக்கப்பட்ட லம்போர்கினி அவென்டெடார் தயாரிப்பான இது அசல் தயாரிப்பான அவென்டெடார் தயாரிப்பின் பெருமையை நிலைநாட்டும் வகையில் கத்திரிகோல் போல் மேலே திறக்க கூடிய அழகிய கதவுகள் மற்றும் அழகிய வடிவமைப்பினால் காண்பவர்களின் மனதை கொள்ளையடிக்கிறது.